الصفحة الرئيسية › أخبار وطنية

أخبار وطنية أم زياد تعرب عن تأثرها بدموع علي بن سالم وتتوجه برسالة إلى النواب الجدد

أعربت الناشطة والحقوقية نزيهة رجيبة عن تأثرها الشديد عند مشاهدتها دموع المناضل علي بن سالم خلال ترأسه اليوم الجلسة الافتتاحية لنواب الشعب الجديد، وذلك من خلال تدوينة نشرتها على صفحتها الرسمية بالفايسبوك كتبت فيها التالي:
"متأثّرين بدموع علي بن سالم ؟ حتّى أنا كيفكم ... وربّما أكثر شويّة
فرحانين بانتصاب المجلس النّيابي الجديد ؟ حتّى أنا كيفكم وربّما أقلّ منكم شويّة
لكن عندي ليكم كليمات: ملاحظة وتنويه وزوز مطالب

-الملاحظة هي أنّ هذا المجلس اللّي وقع انتخابو تحت الهرسلة والتّخويف من النّهضة وحتّى بعض دعوات الاستئصال على أساس معاقبتها على سوء أدائها في المرحلة اللّي فاتت، ما الغاتش النّهضة بل خلّاتها القوّة الكبيرة الثّانية وزادت معاها رموز من النّظام القديم عندهم في الحكم نفس الحصيلة السّيّئة ...بل أسوأ

-التّنويه هو انّها أوّل مرّة تنصف فيها تونس يسارها العتيد اللّي لعب دور نضالي تاريخي وكبير وقدّم شهداء وتضحيات ولو أنّو انصاف نسبي وكان مفروض يكون أكبر.

- الزّوز مطالب: أوّلا ماعادش نبنيو معاركنا الانتخابية على التّخويف وابتزاز النّاخب وخاصّة على ارادة استئصال ما لا يستأصل بل على اقتراح ماهو أفضل منّو وينجّم يخلّي النّاس تختارو عن اقتناع.

ثانيا ما نعتبروش انتصاب هذا المجلس نهاية المطاف و ما نهبطوش الgarde بل نبقاو بالمرصاد لكل تقصير في اصلاح الاوضاع واقامة العدل والانصاف ولكل محاولات ممكنة للتّعدّي على الحقوق والحرّيّات والثّروة الوطنيّة واستقلال البلاد بأيّ تبرير و تحت أيّ مسمّى وربّي يوفّق كل اللّي يحب الخير لها البلاد".